KOH TAO, KOH响泰文中系"岛"嘅意思, 有人叫海龟岛, 有人叫稻岛, 事卵但啦, 呢个岛位于南中国海，响苏梅岛北面. 从google earth上睇落去, 好细嘅一个孤岛.
起因
07年6月, 同两个朋友倾QQ嘅时候, 唔记得讲开咩话题了, 佢发咗D KOH TAO岛照片嚟诱惑我, 于是随便9up咗一下就真系去了. 考虑到AA车费同住宿嘅问题, 几经辛苦又揾到一个终日无所事事嘅朋友一齐出发(其实佢有份化学技术含量好高的工作, 但唔知点解佢成日话自己失业冇嘢做). 由于其中一人只有十一黄金周有假期(我顶, 机票冇特价), 因此本次行程也就唯有安排到呢7日了, 筹备工作有成3个月噤多, 十分充分(超级闷+难挨), 平一得闲就上网揾相关资料, 慢慢组织文字图片, 打印咗一份十几二十页的行程攻略.
线路
广州->澳门->曼谷->考山路->春蓬->船->KOH TAO
回程反之
筹备
预定机票(黄金周亚航冇特价, 好痛苦, 无奈ing), 响亚航的网站(airasia.com)订购10月1号下午4点澳门飞曼谷嘅机票(498澳币), 以及7号曼谷中午飞澳门嘅机票(458澳币).
车船联票预订就响Lomprayah High Speed Ferries Co.,Ltd.嘅网站购买(lomprayah.com), 预订1号晚头9点同5号早上10点嘅回程票. 呢间公司算系泰国一个比较出名了, 因为怕俾人卖猪仔, 所以呢D车船联票稳阵D好, 毕竟从曼谷到坐船出海嘅春蓬码头有成八个钟头车程, 我噤靓仔, 点知会唔会被人劫财劫色嘎. (4个人来回车船vip座位联票合共6400泰铢). 响越秀公园对面个客运站度买咗4个人嘅岐关澳门大巴车票(65蚊人仔一条命). 通过复杂嘅关系揾到一张雅高集团(accorhotels-asia.com)嘅酒店优惠卷, 于是预定Novotel Bangkok on Siam Square呢间4星酒店(酒店半径一公里范围全部都系大型购物中心)(用优惠卷500蚊人仔两间双人房)
经过漫长的等待, 终于到9月, 各自去办泰国签证, 一个朋友居然发现自己个护照就快到期(距离有效期唔够半年冇得签证), 晕死, 马上去换证, 好在赶得切(泰国签证升价, 旅行社代办每位260人仔, 小喇叭).
出发(10月1日)
我拿咗个小拉箱(一个微波炉噤上下大), 装咗两套衫一件风衣, 浮潜用具, 笔记本电脑, 卡片DC, 350D, 零食, 没了. 另外两个朋友就一个中型拉箱和一个大登山背囊, 唔知装咩噤多. 最后一个朋友, 神奇了, 一个超级小背囊, 有几小? 吉之岛买水果D胶袋一个可以装晒噤细.
上车出发, 去到拱北, 暴多人(预咗), 本嚟想去大堂拿出境卡, 结果被JC叔叔告知10月1开始澳门过境出国不用再填出境卡, good, 有进步. 在极度痛苦嘅排队+尖队情况下去到澳门, 12点几, 坐免费巴士去英皇保管D行李, 上楼吃个10蚊云吞面(好味), 跟住行去新马路, 响义顺吃个双皮奶, 路过sasa入去买咗两支SPF130+的防晒油, 再路过玛嘉烈蛋挞店, 一人咬一只, 噤样咬咬下就咬到差唔多下午3点了, 跟住拿行李坐免费巴士去氹仔新世纪, 落车转的士去机场(4个人都系A返几蚊的士费, 好过拿住D行李逼bus, 抵).
去到机场发现挂住吃, 唔记得换钱, 惨, 逼迫响机场税换点嘅淫威下用人仔换咗D泰铢. 登机, 一贯惯例, 冲, 霸头位, 两个人霸3个位. 准备起飞, 空姐好丑, 空男反而好靓仔(晕), 循例9up一大堆废话, 泰文, gi gi ta ta完全听唔明, 跟住又up一大堆类似中文的话(真系中文, 但我哋完全听唔明). 起飞, 拿个GPS睇睇, 时速900km左右, 小睡一番.
大约3个钟飞到达曼谷机场(泰国是+7时区, 比中国慢一个钟头), 当地时间大约6点几左右. 出发前网上查天气预报是雷暴, 到步之后果然天气好差, 乌云盖顶, 搞到我个心情down晒. 出机场门口人手拿咗一张地图. 直奔门外的士, 用中国式英文同的士佬沟通话去考山路, 最后发现佢识讲粤语, 晕死. 打咗部咪表计费的的士去考山路(340泰铢).
到达考山路(大约晚上7点几), 开始急速寻找车船联票的check in点, 响呢个时候个天又落雨, 搞到我哋好狼狈. check in之后就开始等, 随便买咗个炒粉吃, 大家都好陌生, 唯有跟大队傻等(晚上8点几).
晚上9点, 开始跟队上车. 车上每人一张棉毯, 车上遇到一家三口的广州人, 吹吹水, 攰了调低座椅靠背, 瞓觉, 唔知部车点行, 瞓醒落车已经到达春蓬嘅一个码头, 睇睇表已经系10月2号当地5点几, 都开咗成8个钟头车啰.
落车吃咗D带嚟嘅干粮, 倾下计, 响码头拿咗D地图, 又系漫长嘅等待. 清晨6点, check in上船, 双体喷射飞船(听个名好似好劲噤, 其实都唔系好快). 坐好之后人手派一个胶袋, 落雨打风, 海浪大, 部船抛到傻, 有D鬼佬顶唔顺, 呕到猪叫噤声, 我其中两个朋友听到D呕吐声, 情不自禁呕埋一份......而我同另外一个朋友就响四面八方呕吐声之中入睡, 渡过2小时嘅船程......
早上8点几, 终于到达传说中嘅KOH TAO岛了, 好开心, 有D激动, 因为光交通就已经用咗成30个钟头啦, 海, 陆, 空, 全部坐齐, PP都麻木了, 落船之后差D唔识行路.
住宿
落船之后揾咗间租车行, 租咗两部女装摩托(每台1xx泰铢一日). 车住D行李向我哋其中几个睇中嘅hotel出发(KOH TAO大约有20个hotel, 价格差异好大, 从300铢到6000泰铢不等, 而且遍布沿岛多处,冇部车仔好唔方便. 平嘅就冇空调冇热水, 有D又好多蚊, 自己衡量). 最后我哋选择咗Koh Tao Resort, 1800泰铢包早餐. (相关酒店分布及简介可以到呢个网站查阅http://www.map-thailand.com/kohtao.htm), 选择呢个酒店嘅另一个原因系我发现呢个酒店附近有一个wifi点, 冇做安全设定, 可以免费接入上网, 到你哋去嘅时候仲有冇我就唔包了. 原本打算每日换唔同嘅hotel, 不过最后因上网嘅问题决定3日都住呢个酒店.
玩
响酒店柜台book咗个环岛浮潜的项目(650泰铢一个人), 绕住个岛选择几个点玩浮潜. 随后日子开摩托到处探险, 翻过大山揾到个地方自己玩浮潜, 冇乜人, 响果度见到传说中嘅鬼佬裸泳.
吃
冇乜好讲了, 行到边吃到边, 有好吃, 有难吃.
购物
嚟到泰国点可以唔买D嘢呢, 10月5号早上依依不舍离开KOH TAO回程到考山路, 又系一个漫长嘅路途, 2个钟头嘅船+8个钟头嘅大巴, 想死ing. 返到考山路已经系晚头8点半. 随便响考山路附近揾咗间hotel入住(1xx泰铢), 晚头响考山路随便行行吃吃.
10月6号起身随便吃个早餐, 跟住打部的士去之前预订好嘅4星酒店check in. 早上10点, 摆好晒D行李入房间之后马上开始疯狂购物行动. central world plaza, siam center, siam discovery, mbk, bigc, 一路扫过去, 买到天昏地暗, 夜色已深.
返归
10月7号起身, 落街吃个小早餐, 收拾行装, 打道回府.
|
|小黑屋|手机版|车迷网
( 粤ICP备10225138号 )
发表于 2008-2-20 19:35:20
微信
收藏
楼主
