总不甘心在家过年，水乡古镇，上海，杭州，有人感兴趣吗？（行程已出）

即食面

我都准备去杭州个边，因为珠三角太繁华，反而钟意水乡人家个种悠闲生活。但时间同楼主唔同，系年初二去初六番。选择飞机主要系因为一唔够时间，二无钱自驾，三无乜驾车出行经验+另外两位女同学完全唔识开车……

如果想去乌镇西栅，依家就应该订房。我当时去系淡季，房价仍然超贵。但西栅由旅游公司管理得好好，住民宿可以开窗见水，有星级酒店级数。记住：一、入西栅要买门票，下午五点后收夜票，入住的话呢个时候入去抵D；二、里面无乜嘢卖，尤其是零食，小卖部D嘢都贵过普通超市N多。
西塘好细，民风尚算纯朴，民居价钱超平，住宿细节就一分钱一分货，唔好期望咁高。都系个句：住系临水客栈更能体会水乡特色。如果遇到雾雨天气，早D起床可以见到各条石拱桥腾云驾雾。

呢次出行目标系西湖、周庄。周庄都需要收1旧水门票，但又可以自订民宿，听讲商业化程度介于乌镇西栅VS西塘之间。Anyway, 期待ing...