看到众多群众和公安打交道的报道，不由唤起我尘封十几年的痛苦的回忆...

广天_IC

大约90-92年的时候吧，果阵读书的时候成日比人“dum冰”，无拉拉行过长堤都比班烂仔周住，抢晒D钱唔单止重比人打一身

于是初二的时候，就试过跟个同学出去“dum过几次冰”，不过次次都系系旁边睇水果只，突然有一晚有2个公安来左我屋企，然后被带左去珠江街派烧鹅，后来先知道系某个青少年抢劫团伙认识我个同学，果班蛋散可能想拉多几个人落水供左我同学出来，我个同学又25仔供埋我出来。

好彩入到去个阿sir又无吓我，又无打，净系叫我交代问题，话比我知道我同学罗XX已经交代晒。。。后来先知道，罗XX乜x都无爆到。。。（真系老姜。。。厉害）

但果阵真系傻到爆，以为作多几个story出来就无事，于是老作自己几多年几多日（重要好具体果只）系边度抢左边个小学生2蚊。。。。。果个阿sir听完我老作之后差D笑左出来，自己其实都唔知道自己讲紧乜。。。老作左成几十单“dum冰”(抢劫),每单1蚊以上5蚊以下当时唔知道边度来既想法，讲得重非常具体，按照晒应用文的格式去讲，有时间，人物，开场，对白，结束。。。。听到个阿sir茫茫然。。。落口供落到烦，于是叫左个新仔来继续落，我就继续讲故事。。。


后来个阿sir可能觉得我傻傻地，定左我入看守室过左一晚，期间重买左盒饭盒比我吃（真系好人，好像又系姓罗的。。。）第二日就系份口供上签名走人，临走听说好多人当晚就去晒少管所，剩下我同我同学2个唔使去。。。

后来翻到学校全校通报，我屋企有关系，只系记左个警告处分，我同学就记大过，，搞到个班主任好像好气愤甘，唔知道又咩好嬲，奇怪的人。。。

果次唔知道系好彩定系咩，系果个甘黑暗的年代比灰佬锁入看守室都无事，可能系我地学校当时个保安主任搏命保我地2个，想起身都要多谢下距，不过到现在都心有余悸。。。

[ 本帖最后由 广天_IC 于 2008-7-3 19:41 编辑 ]